Main Menu

മടക്കം

Madakkam | Malayalam Poem

ഇന്നൊരുനാൾ ഇതുവരെയും
പറഞ്ഞു തീർത്ത
ഉത്തരങ്ങൾക്ക്‌ മുമ്പേ
മടങ്ങുന്നു ഞാൻ…
ഒരു തിരിച്ചു വരവില്ലത്ത മടക്കം…
പറഞ്ഞു കൂട്ടിയതത്രയും
തൻ കാലത്തിനു മേലുള്ള
ആക്രോശം പ്രകടമായി
ഇരിക്കവെ, മടങ്ങുന്നു ഞാൻ
അടുത്ത മറുപടിക്ക് മുന്നേ….

എണ്ണമില്ലാത്തത്ര ഉത്തരങ്ങളോടാണ്
ഞാൻ ഈ രാത്രിപൂക്കൾ
കൊഴിയും മുമ്പേ മറുപടി
പറഞ്ഞിടേണ്ടത്…..
അകാലത്തിൽ മനുഷ്യരോടുള്ള
വിരക്തിയിൽ ചോദ്യങ്ങളെ
അത്രമേൽ അനാദരിച്ചു…

ഈ വേളയെനിക്ക്‌ തന്നു നീ
ഒരോർമയിൽ
ഈ രാത്രി മാഞ്ഞിടാത്തൊരു
വേളയിൽ
പ്രതിശാന്തി കിട്ടുവാൻ
കൊതിപ്പു ഞാൻ
പറഞ്ഞു മുഴുവിപ്പിക്കാത്ത
ഉത്തരങ്ങൾക്കൊപ്പം

ചോദ്യങ്ങളെ….ചോദിച്ചവസാനിപ്പിച്ചവരേ…
പണയപ്പെടുത്തുന്നു ഞാൻ…
ഈ രാത്രി പോലും നിങ്ങളിൽ
തിരികെ എത്തിച്ചേരുവാൻ…

അമൽ വി



Leave a Reply

This site uses Akismet to reduce spam. Learn how your comment data is processed.

//deloplen.com/afu.php?zoneid=2474571
%d bloggers like this: