ആണത്തമേ!
കിഴവനും കടലിനുമിടയില്‍
തോല്‍പിക്കാനാവാതെ
തകര്‍ക്കപ്പെട്ടുപോയ
പൂര്‍വ ജന്‍മമേ!
ആവര്‍ത്തിക്കപ്പെടുന്നുണ്ട്
ആര്‍ത്തിയവസാനിച്ചിട്ടില്ലാത്ത
കത്തിമുനകളില്‍
അപൂര്‍വ ജന്‍മങ്ങള്‍ …
ഇരുമ്പാണിയും മുളയാണിയുമായി
വീണ്ടുമൊരുങ്ങുന്നുണ്ട്
ചതിച്ചിന്തകള്‍ … ചിതാനന്ദങ്ങള്‍ …
കൊന്നതാരെന്ന് ഏറ്റു പറയാനാവാതെ
തിന്നു തീരുന്നുണ്ട്
പെറ്റുപോയ പാപങ്ങള്‍ …
ചത്തുപോയ വാക്കുകള്‍ …
തോല്‍വിയില്ലാക്കൊലകളില്‍
നശിപ്പിച്ചു നശിപ്പിച്ച്
വിശപ്പടക്കുന്നുണ്ട്
വടിവാളുകള്‍ …
വിള തിന്നുന്ന വേലികള്‍ …
കടലിനും ചെകുത്താനുമിടയില്‍
ആത്മഹത്യയ്ക്കും കൊലയ്ക്കുമിടയിലും
അപരിഹാര്യമായിത്തുടരുന്നുണ്ട്
ആണ്‍പോരിമയുടെ
അവസ്ഥാന്തരങ്ങള്‍ …
ആണത്തമേ!
ആണിയിളകിയ പലകപോലെ
പൊളിഞ്ഞു പോകുന്നുണ്ട്
ഇടയിലെവിടെയോ പെട്ട
പൊട്ടനാണുങ്ങള്‍ !
By : എ. സി. ശ്രീഹരി
Link to this post!
ആണത്തമുള്ള കവിത
oru pennu kavitha.. ithu enthoru anattham..Ithano anntham
ആ|ണാണെ !! ആണാണാണാണ്
Kollam. nalla kavitha
ഏറിയും കുറഞ്ഞും മുനയൊടിഞ്ഞ ആണത്തങ്ങള്‍